O`zbekiston Respublikasi Prezidenti saylovining dastlabki natijalari e`lon qilindi.

O`zbekiston Respublikasi Prezidenti saylovida 88,61% ya`ni 15 906 722 ovoz bilan Shavkat Mirziyoev g`olib deb e`lon qilindi.

Saylovda «Milliy tiklanish» partiyasidan nomzod Sarvar Otamuratov 421 055 (2,35%), XDPdan Xatamjon Ketmonov 669 187 (3,73%), «Adolat» SDPdan Narimon Umarov 619 972 (3,46%) ovoz to`pladi.

Eslatib o`tamiz, Prezident saylovida ro`yxatga olingan 20,4 mln saylovchidan 17 million 951 ming 667 nafar fuqaro ishtirok etdi. Bu ro`yxatga kiritilgan saylovchilar umumiy sonining 88,73 foizini tashkil etadi.